Pedro Lenz I bi meh aus eineDie bemerkenswerte Geschichte eines Emmentaler SiedlersCosmos Verlag

Pedro Lenz

I bi meh aus eineDie bemerkenswerte Geschichteeines Emmentaler SiedlersCosmos Verlag

5

1 Buenos Aires, Gran Café Tortoni, 1913

Säg, hesch ou gärn Musig?

Isch scho chli öppis angers. Merksch es?

Muesch lose. Los genau häre. Ghörsch es?

Muesch nid vergliiche, eifach nume zuelose.

Ghörsch es? Ghörsch, wis der e Gschicht verzöut?

Gäu, gäu dasch öppis angers aus bi öich äne,säg säuber, Herr Korreschpondänt,i meines nid wärtend, nei,aber söttigi Musighesch deheime no nie ghört.

Du muesch jetz nid so driluege,muesch nid Angscht ha,Reporter, gwöhnsch di dra,i ha mi ou dra gwöhnt.

Das isch ds Interessante,wenn de do ir Nöie Wäut läbsch,du gwöhnsch di a auesund mit de Johr wird aus normau.

Am Aafang, wenn de nöi do bisch,vergliichsch nume di ganzi Zit,

Als Hörbuch erhältlich

Pedro Lenz I bi meh aus eine Am Piano: Patrik Neuhaus1 CD, 78 Minuten ISBN 978-3-305-00466-9Cosmos Verlag

Alle Rechte vorbehalten© 2013 by Cosmos Verlag, CH-3074 Muri bei BernLektorat: Roland SchärerUmschlag: Stephan Bundi, BollSatz und Druck: Schlaefli & Maurer AG, InterlakenEinband: Schumacher AG, SchmittenISBN 978-3-305-00465-2

www.cosmosverlag.ch

6 7

Muesch jetz nid ungeduudig wärde,Reporter, i verzöue der aues,aber ganz vo voore.

Jo, i weiss, i weiss, i weiss,das isch mir hundert Mou gliich,dass du e Pricht muesch schriibe,Herr Korreschpondänt.

Du chasch nid eifach plötzlechi ds Gran Café Tortoni inehockeund nächär grad go meine,wöu de zuefäuig e Landsmaa triffsch,heigsch di Pricht scho gschribe.

Ei Sach isch es, e Pricht z schriibeüber d Schwizer Kolonie im Norde,und en angeri Sach isch es,di ganzi Aaglägeheit z versto.

Du hesch Glück, Bursch,du hesch es Riiseglück,dass de grad a mi bisch häregloufe.

Weisch ig, i weiss e chli Bscheid,i ha säuber i sore Kolonii gläbt,und ob mers gloubsch oder nid,mi Vatter isch der Gründer gsi,das Dorf, won ig drin gläbt ha,das treit mim Vatter si Name,es heisst Romang.

luegsch a nes Schoufänschterund ds Erschte, wo der i Sinn chunnt:Söttigi Schoufänschter gits deheime nid.Hocksch i ne Beiz ineund ds Erschte, wo de dänksch:Söttigi Beize gits deheime nid.

Vergliichsch ds Wätter,vergliichsch d Johreszite,vergliichsch d Ässenszite,vergliichsch d Art,wi d Lüt umeloufe,wi si sech aalegge,wi si ufenang zuegö,wi si sech begrüesse,und dänksch di ganzi Zit nume,aha, dohie ischs eso,aha, das isch besser aus deheime,aha, das isch weniger guet,das isch richtig,das isch fautsch,das mache si sehr guet,das mache si nid so guet.

Nei, muesch mer nüt säge,i kennes doch,i bi jo säuber ou mou aacho,aber das isch lang här, ewig lang,das isch vierzg Johr här.