Páachum 'inú'nichum Kíikatum

Qálquş kuná' páachum 'inú'nichum kíikatum, supúl yót, supúl şúnnganwish, pí' supúl kihúutsamal.

3

'omómmum wám' 'awóolum. Hatí''axam

nokíingay pí' kíichuyam 'óomoxay!

Supúl temét, pomyó' póomik yáa…

Páachum 'inú'nichum kíikatum ngéengi pomyó' pokíingay.

Pó' 'inú'nish yót 'ayánnax tóot. Pó' tóoman ngéengi michíyk 'awóyk. Wuná', 'inú'nish yót kíkchu tóotal. Pokí' tóotal qáy pilék lóoviquş.

Pó' 'inú'nish şúnnganwish 'ayánnax yuxwáal. Pó' yuxwáaman ngéengi michíyk 'awóyk. Wuná', 'inú'nish şúnnganwish kíkchu yuxwáatal. Pokí' yuxwáatal qáy pilék lóoviquş.

Pó' 'inú'nish kihúutsamal 'ayánnax pivéesash, şaxát, pí' hunúuvat. Pó' pivéesaman, şaxáaman, pí' hunúuvaman ngéengi michíyk 'awóyk. Wuná', 'inú'nish kihúutsamal kíkchu pivéesatal, şaxáatal, pí' hunúuvatal. Pokí' pivéesatal, şaxáatal, pí' hunúuvatal pilék lóoviquş.

'áawquş kuná' 'íswut. 'íswut wukó'ya 'inú'nish yót pokíinga tóotal. 'íswut róppax popúknga. "Héth'i popúuki!" yáa 'íswut. 'inú'nish yót popúuki qáy héth'ax. 'inú'nish yót yáa, "Qáy míykinga nóo nokíinga!" 'íswut yáa, "Xóyyiniknupo xóyyimàan, pí' 'okíynupo lómmimàan." Wuná', 'íswut xóyyax . Pí' kíish lómmax.

Pó' 'inú'nish yót pó'kwya popéet şúnnganwish pokíyk yuxwáatal.

'íswut wukó'ya 'inú'nish şúnnganwish pokíinga yuxwáatal. 'íswut róppax popúknga. "Héth'i popúuki!" yáa 'íswut. 'inú'nish şúnnganwish popúuki qáy héth'ax. 'inú'nish şúnnganwish yáa, "Qáy míykinga nóo nokíinga!" 'íswut yáa, "Xóyyiniknupo xóyyimàan, pí' 'okíynupo lómmimàan." Wuná', 'íswut xóyyax. Pí' kíish lómmax.

Pomóm wéhchum 'inú'nichum kíikatum ngórya pompéet kihúutsamal pokíyk pivéesatal, şaxáatal, pí' hunúuvatal.

'íswut wukó'ya 'inú'nish kihúutsamal pokíinga pivéesatal, şaxáatal, pí' hunúuvatal. Popúu'uk yáawaquş. Páachum 'inú'nichum kíikatum 'ómmaquş. 'íswut kíish púnniquş. 'íswut kíyk chulúpya.

Páachum 'inú'nichum muyáqya şámngay, 'oyóok.

'inú'nish kihúutsamal 'íswuti húutal şé''ax pivéesangay wuníyk.

Pó' 'íswut pókwya chóo'ontal pómlotal, húuman pokúpchanga.

Pó' 'inú'nish kihúutsamal qéwwax, "Popúu'uk 'óy qáy kwáavichumàan. Póoxa 'oyú' 'óy kwáavichumàan, qáy popúu'uk."

Páachum 'inú'nichum pomşúun lóoviquş. Chóo'onum kíkchu pivéesatal, şaxáatal, pí' hunúuvatal.

Hamú' Táp