Post on 11-Mar-2016
description
transcript
engineer.Let’s
Association Nationale des Etudiants Ingénieurs Luxembourgeoiswww.aneil.lueditioun 2012
Virwuert
Ingenieur
Architekt
Bauingenieur
Bioingenieur
Chemiker
Elektroingenieur
Ëmweltingenieur
Geometer
Informatiker
Maschinnebauingenieur
Mathematiker
Physiker
Verfahrenstechniker
Wirtschaftsingenieur
ANEIL
1
2-3
4-5
6-7
8-9
10-11
12-13
14-15
16-17
18-19
20-21
22-23
24-25
26-27
28-29
30-31
Léif Schülerinnen a Schüler,
fir déi meescht vun iech gëtt et Zäit sech Gedanken ze maache
wat dir no ärer Lycéeszäit wëllt studéieren. Dofir ass et wichteg
sech z’informéiere wéi dee jeweilege Studium a besonnesch
d’Méiglechkeeten am spéidere Beruffsliewen ausgesinn. Dës si
besonnesch am Ingenieurberäich immens villfälteg.
Dofir stelle mir iech an dëser klenger Broschür déi verschidden
Domainer vum Ingenieurswiese vir an erkläre mat wat dir iech als
Ingenieur no engem gewëssene Studium wäert befaassen. Et ass
awer och ganz wichteg ze soen dass ee spéider am Beruff net
nëmmen a sengem studéierten Domaine villsäiteg Méiglechkee-
ten huet, mee dass déi verschidden Domainer sech ëmmer och
iwwerschneiden. Genausou ass et net selten dass Ingenieuren a
Beräicher schaffen déi op den éischte Bléck
wéineg mat hirem Studium ze dinn hunn. Sou kann et sinn dass
ee Bauingenieur am Energiewiese schafft oder ee Maschinnebau-
er op enger Bank. D’Denkweis vum Ingenieur a seng Art a Weis u
Problemer erunzegoen a se ze léisen sinn et déi gefrot sinn.
D’Méiglechkeete sinn also onendlech an Ingenieure si gesicht a
wäerten och an Zukunft ëmmer méi gesicht sinn.
Ech hoffe mir kënnen iech mat eiser Broschür an eisen Erfahr-
ungen an ärer Beruffswahl ënnerstëtzen an iech fir den interes-
sante Beruff vum Ingenieur begeeschteren.
Max Schmitz
President vun der ANEIL
Virwuert
Wat mécht en Ingenieur?
De Begrëff Ingenieur kënnt aus dem Mëttelalter an staamt vum
laténgesche Wuert “ingenium” of, wat esou vill wéi “produktive
Geescht” bedeit. Den Ingenieur haut ass en Erfinder an e
Problemléiser. An sengem Beruff muss den Ingenieur Léisungen
zu Problemer technescher Natur fannen déi him gestallt ginn.
Dobäi muss den Ingenieur oft “ëm den Eck” denken a kreativ sinn.
Fir d‘Problemer ze léise benotzt den Ingenieur d‘Mathematik a
physikalesch Gesetzer. Hautdesdaags kann den Ingenieur ganz
oft schonn op Technologien a Methoden zréckgräifen déi aner
Ingenieure virun him schonn entdeckt oder entwéckelt hunn.
Deemno muss den Ingenieur haut oft déi al Technologien a
Methode verbesseren oder se dem Problem deen sech him
grad stellt upassen.
Et ass wichteg dass en Ingenieur zum Asaz kënnt, ier ee Produit
oder ee Projet agesat oder fäerdeggestallt gëtt, well hie capabel
ass de Realfall scho virun dem Abetribhuele bzw. Bauen ze
berechne bzw duerzestellen. Sou gëtt verhënnert, dass de Projet
oder de Produit en Desaster ginn.
Schlagwuert : Teamwork
Hautdesdaags kann net méi eng Persoun alleng déi ganz
Aarbecht maachen déi néideg ass fir en Projet an enger
gewësser Zäit an an engem gewësse Budget ze entwéckelen
an duerchzeféieren. Dofir schafft den Ingenieur, wann en an
enger Firma schafft (an net als selbstännegen Ingenieur (zum
Beispill als Gutachter)), an engem Team mat anere Mënschen
zesummen déi oft aus ganz anere Beräicher kommen. Et ass
haut zum Beispill ëmmer wichteg och de wiertschaftlechen
Aspekt vun enger Entwécklung ze bedenken an dofir ass bei der
Entwécklung och ëmmer een dobäi deen sech an deem Beräich
auskennt. Oder et si juristesch Aschränkungen ze beuechten a
woufir et och Spezialiste gëtt mat deenen den Ingenieur muss
zesummeschaffen. Den Ingenieur muss also net nëmme säi Fach
kenne mee och an der Lag sinn mat anere Mënschen ëmzegoen.
Eng aner Méiglechkeet als Ingenieur säi Geld ze verdéngen
ass fir sech selbstänneg ze maachen. Dann kann een en
sougenannten Ingenieursbüro grënnen. Dës Büroe bidden oft
de Service un fir engem Laie Berechnungen ze maachen déi
Ingenieur
dësen net selwer maache kann. Oder den Ingenieursbüro hëlleft
Firmen déi selwer net den néidegen Know-How hunn.
Wéi kann ech Ingenieur ginn?
Fir kënnen Ingenieur ze ginn, muss ee studéieren.
Nom Studium ass een dann e Bachelor/Master of Science wann
een op enger Universitéit oder enger technescher Héichschoul
säin Ofschloss mécht oder e Bachelor/Master of Engineering
wann een den Ofschloss op enger Fachhéichschoul mécht.
(Fréier huet den nämmlechten Ofschloss Diplom Ingenieur
geheescht)
Wat léieren ech an deem Studium?
Den Ingenieur muss virun allem ee Wëssen an der Mathematik
an an der Physik hunn, dofir gëtt am Studium dorops ee grousse
Wäert geluecht. Dëst ass fir all Ingenieur dat wichtegst a gëtt
dofir och an all Studiegang geléiert.
Bal genau sou wichteg ass et dono Methoden, Theorien an aner
fachspezifesch Kompetenze bäibruecht ze kréien. Dës Kompetenze
si vum Ingenieursberäich ofhängeg mee als gemeinsam Basis
hu se all ee wëssenschaftlechen Hannergrond. Si sinn dofir do,
dass den Ingenieur seng Aarbecht dono méi effizient ka
maachen, well hie weess wéi en sech am Beschten uleet fir déi
gestallten Aufgab ze léisen.
Wéieng Ingenieure ginn et?
Et gëtt vill verschidden Ingenieuren. Dëst sinn awer oft nëmmen
extra Nimm fir net ganz sou extra Kompetenzen. Déi meescht
Ingenieuren hunn eng vun den 3 grousse Richtunge Maschinne-
bau, Bauingenieur an Elektroingenieur studéiert an sech da
während hirem Studium an déi Richtung spezialiséiert. Op
deenen nächste Säite wëlle mir dir all Ingenieursrichtung e
bësse méi genau virstellen.
Wat mécht en Architekt?
D’Architektur ass breet gefächert. Haaptsächlech befaasst sech
en Architekt mat Gebaier, ëffentleche Reim, Landschaft,
Urbanismus ma och de Bannenausbau, d’Technik, generell
Gestaltung, a fachlech Berodung falen an den Zoustännegkeets-
beräich vum Architekt.
De Client, egal ob e privaten oder ëffentleche Bauhär, kontakté-
iert den Architekt, ier béid dann zesummen e Projet ausschaffen.
D’Wënsch vum Client a Kombinatioun mat de Bedéngunge vum
Terrain, gi vum Architekt mam Bautereglement vun der jeeweile-
ger Gemeng ofgestëmmt. Doduerch ass all Projet eenzegaarteg,
a passt genau zu dem Client a sengem Grondstéck.
Nodeems éischt Skizzen a Maquetten dem Bauhär presentéiert
ginn, entsteet no an no eng definitiv an ëmmer méi detailléiert
Versioun vum Gebai, dem Raum oder dem Konzept.
De Bauhär kann den Architekt beoptragen, fir e komplette Projet
ze realiséieren, en huet awer och d’Méiglechkeet, fir den
Architekt nëmme mat eenzele Phasë vum Projet ze chargéieren,
wei z.B. vum Entworf bis zur Autorisatioun, d’Ausféierungspläng,
d’Ausschreiwungen an den Optrag vu Firmen oder
d’Bauleedung an d’Exekutioun.
Deemno ass d’Tätegkeet vum Architekt vu Projet zu Projet
ënnerschiddlech. Ausserdeem ginn et nach Ënnerscheeder ob
en an engem Büro mat méi oder manner Leit ugestallt ass, beim
Staat oder der Gemengtschafft, oder Selbstänneg ass.
Wat all Projet awer gemeinsam huet, ass d’Interaktioun mat Leit
aus anere Fachberäicher wei z.B. dem Client, der Statik, der
Haustechnik, dem Handwierk, der Innenarchitektur, der
Visualiséierung, a villen aneren.
Architekt
Wat muss ech studéiere fir Architekt ze ginn?
De Studium heescht Architektur, et gëtt awer ausserdeem och
de Studium fir Innenarchitektur, an eenzelne Länner gëtt et e
separate Studium fir Urbanisten oder Landschafts-architekten.
Dës Fachrichtunge ginn op Universitéiten, Fachhéichschoulen a
Konschtakademien ugebueden. An der Regel dauert de
Studium ëm déi 10 Semester. E ganz wichtege Bestanddeel vum
Semester ass den Entworf, niewent dem een nach Virliesungen,
Workshopen, Excursiounen a folgende Beräicher huet: Ëntworf-
sprinzipien, Fräihandzeechnen, Statik, Bauphysik, Baugeschicht,
Baustoffkunde, Vermessungskunde, Bauopnahm, CAD-Program-
mer, Modellbau, Stadplangung, Technesch Zeechnen. Meesch-
tens muss en niewent dem Studium Praxiserfahrung noweisen,
dofir muss eng gewëssen Unzuel u Woche Stage a verschidde-
nen Entreprisë maachen.
Wann ee bis e Basiswëssen an der Grondausbildung vermëttelt
krut, huet een am zweeten Deel vum Studium d‘Méiglechkeet
sech ze verdéiwen an: Konscht an Theorie, Bautechnik, Stad a
Landschaftsplanung, Konscht a Baugeschicht, oder am Entwerfen.
Wat mécht e Bauingenieur?
Dem Bauingenieur säin Job ass et Gebaier oder aner Konstruk-
tiounen ze entwerfen an se sou ze berechnen dass se stabil
gebaut kënne ginn. Des weideren ass de Bauingenieur och
zoustänneg dofir, de Bauoflaf ze organiséieren an dofir ze
suergen, dass och alles esou wéi geplangt um Chantier ofleeft.
Am Beräich vum Héichbau iwwerschneit sech de Beruff vum
Ingenieur oft mat deem vum Architekt. Meeschtens ass et esou
dass den Architekt de kreativen Deel iwwerhëlt, hien entwërft
ee Gebai an zeechent d’Pläng a gëtt de Projet dann un den
Ingenieur weider fir dass dësen d’Statik berechent.
Wéi lo genau dem Bauingenieur seng Aarbecht ausgesäit hänkt
staark dovun of a wéi engem Beräich hie schafft. Grondsätzlech
kann een ënnerscheeden zwëschen dem plangenden Ingenieur
an dem ausféierenden Ingenieur. De plangenden Ingenieur
schafft entweder selbstänneg oder awer mat aneren Ingenieuren
zesummen an engem Ingenieursbüro. Hie bitt eng Déngscht-
leeschtung un. Wann e Bauhär, sief et e privaten oder en
ëffentleche Client, ee Gebai oder soss eng Konstruktioun baue
wëll freet hien en Ingenieursbüro fir dass déi him dofir d’Statik
berechnen. De Büro iwwerhëlt dann de Projet, féiert déi néideg
Berechnungen duerch an zeechent d’Pläng dofir. Den Ingenieur
iwwerhëlt domat och d’Verantwortung dofir dass dës Konstruk-
tioun iwwert di geplangte Liewensdauer stabil bleift. Lo kann de
Büro dëse Projet rëm ofginn oder awer selwer den ausféierenden
Deel iwwerhuelen a sech dorëms këmmeren dass um Chantier
alles richteg ofleeft. Fir dëse Projektmanagement maachen ze
kënnen ass den Ingenieur an der Regel um Chantier present a
suergt dofir dass déi néideg Materialien, Aarbechter a Bau-
maschinnen zur Richteger Zäit an der richteger Quantitéit a
Qualitéit op der richteger Platz ukommen. Expertisen, Studien
oder Verkéiersanalyse gehéieren och zum Aarbechtsberäich
vun de Bauingenieuren.
Bauingenieur
Wat muss ech studéiere fir Bauingenieur ze ginn?
De Studium Bauingenieur ass wéi all Ingenieursstudium eng
Zesummesetzung aus verschiddene Fächer. Am Ufank vum
Studium stinn d’Grondlage wéi Mathematik a Mechanik awer
och Baustoffkunde, Vermiessung a Baukonstruktioun um
Programm. Oft ass et dann esou dass no dëse Basiskenntnisser
eng Rei Fächer kommen déi fir all Bauingenieur wichteg sinn,
wéi Geotechnik, Massivbau (also d’Baue mat Stohlbeton),
Baustatik oder och mol Baurecht. Dono muss een sech dann
entscheeden a wéi enger Richtung ee säi Wësse verdéiwe wëll.
Grondsätzlech kann ee 4 verschidde Weeër aschloen:
Konstruktiven Ingenieur an Héichbau: An dëser Verdéiwung
geet et also ëm alles wat iwwert dem Buedem gebaut gëtt wéi
Wunnengen an ëffentlech Gebaier, Halen, Kraaftwierker mee
och Brécken oder Parkhaiser. Dem konstruktiven Ingenieur seng
Aarbecht besteet virun allem doran d’Statik fir Tragwierker ze
berechnen.
Verkéierswiesen: Hei geet et ëm de d’Plangen, d’Bauen an
d’Bedreiwe vu Stroossen an Autobunnen, mee och ëm den
ëffentleche Verkéier wéi de Schinneverkéier, z.Bsp. wann eng
Zuchstreck ausgebaut oder den optimale Wee fir en Tram
duerch eng Stad fonnt muss ginn ginn. Den Tunnel- oder
Flughafebau gehéiert och zu dësem Beräich.
Baubetrieb: An dëser Verdéiwungsrichtung gëtt sech méi
genau mam Plange vu Chantiere beschäftegt. Wee sech heifir
entscheet wäert a sengem spéidere Beruffsliewe vill Zäit op
Baustelle verbréngen a meeschtens och vill ënnerwee sinn.
Waasser- an Offallwirtschaft: Bei dëser Verdéiwung geet et ëm
alles wat an iergendenger Form mat Waasser ze dinn huet, also
Zou- an Ofwaasserleitunge mee och Kläranlagen, Regenrückhal-
tebecken, Waassertierm oder Staudämm. Den Ingenieur
këmmert sech also ëm de gesamte Waasserzyklus, also vum Pëtz
iwwer d’Opberedung duerch d’Leitunge bis an d’Haiser a vun do
aus an d’Kläranlag an zeréck an de Floss. Mee och de Wee vum
Offall vum Verbraucher iwwer d’Verbrennung bis zum Bau vun
Deponië fält an dëse Beräich.
Wat mécht e Bioingenieur?
Vereinfachend erkläert, ass ee Bioingenieur e Verfahrenstechniker
dee sech speziell mat liewegen Zellen an Enzymer beschäftegt.
Dat heescht datt en sech d’Fro stellt, wéi sech Mikroorganisme
verhalen a wéi een déi geziilt fir d’Ëmwandlung vu Rohstoffer a
fir d’Produktioun kann asetzen, dat ganzt ënnert dem Gesiichts-
punkt vun der Gesondheet a vun enger nohalteger Produktioun.
Ee Bioingenieur probéiert also fir biologesch a chemesch
Stoffëmwandlungsprozesser an déi technesch Praxis ze
iwwerdroen.
Duerch säi Wëssen iwwer Mikroorganismen, Zellen an Enzymer
an hier Wierkungsweis kann de Bioingenieur ganz neiaarteg
Produiten entwéckelen an dat an ganz verschiddene Beräicher.
Dozou gehéiere Liewensmëttelindustrie, Pharmaindustrie,
Ëmwelttechnik a Planzeschutz, Pobeier- an Textilindustrie,
Waasserversuergung a Kosmetik.
Am Ufank vum Bioingenieur senger Aarbecht steet oft en
chemesche Prozess, deen de Bioingenieur duerch den Asaz
vu liewegen Zellen oder Enzymer méi bëlleg, méi rentabel oder
méi ëmweltfrëndlech wëll maachen. Oft ass et och esou datt de
chemesche Prozess wirtschaftlech guer net méiglech ass an da
gëtt direkt no engem equivalente biotechnesche Prozess
gesicht.Duerch e Screening gëtt no dem Mikroorganismus oder
no dem Enzym gesicht, dat déi gewënschte biochemesch
Reaktioun am beschte katalyséieren, also ausféiere kann. Dofir
ginn et riseg Enzymbanken a Stammsammlungen. Duerno muss
dëse Biokatalysator stabiliséiert an optiméiert ginn, an et muss
sech iwwerluecht gi wéi en den am beschten asetze ka fir
souwuel vill an och bëlleg produzéieren ze kennen. Dofir muss
en Bioingenieur och Ahnung vun de jeeweilege Maschinnen an
Apparaten hunn, souwéi vun der Planung an der Optiméirung
vu Produktiounsverfahren.
Bioingenieur
Wat muss ech studéiere fir Bioingenieur ze ginn?
Well et de Beruff vum Bioingenieur nach net sou laang gëtt, ass
den Numm leider och nach net genee definéiert. Op villen
Unien heescht de Studiengang Bioingenieur oder Bioingenieur-
wiesen. Awer oft léiert en am Studiengang Bioverfahrenstechnik
oder Biotechnologie op enger Ingenieursfakultéit genee dat
selwecht.
Oppasse muss en ob de Studiegang éischter ingenieurwëssen-
schaftlech orientéiert ass, an also och Wäert op déi allgemeng
Ingenieursfächer geluecht gëtt, oder ob en éischter naturwëssen-
schaftlech orientéiert ass an d’Biologiefächer am Virgrond stinn.
Am Grondstudium léiert ee souwuel verschidde Biologiesfächer
wéi och d’Grondlagefächer vun engem Ingenieur. Et stinn also
souwuel Technesch Biologie, Enzymtechnologie, Bioverfahrens-
technik a Chemesch Verfahrentechnik um Stonneplang wéi och
Mathematik, Technesch Mechanik, Apparatebau, Maschinen-
konstruktionslehre, Thermodynamik, Elektrotechnik, Wärme- a
Stoffübertragung, Mess-und Regelungstechnik etc.
Wéi virdru schon erwähnt, kann ee Bioingenieur a ganz
verschiddene Beräicher schaffen, a genee sou verschidde sinn
och d’Verdéiwungsrichtungen. Et kann een sech zum Beispill
haaptsächlech op de verfahrenstechneschen Deel vum Studium
konzentréieren an da Richtung Mechanik, fossil an erneierbar
Brennstoffer, chemesch mechanesch oder thermesch Verfahrens-
technik oder Produktgestaltung verdéiwen. Oder et behällt een
de Fokus op der Biologie, da kann en zum Beispill Biotechnologie,
Molekular Aufarbeitung, Wassertechnologie, Emweltschutzver-
fahrenstechnik oder Liewensmettelverfahrenstechnik verdéiwen.
Wat mécht ee Chemiker?
D‘Chimie gehéiert zu den Naturwëssenschaften a beschäftegt
sech mat de Grondbausteng aus deenen alles opgebaut ass, den
Atomen. Hautdesdaags ëmfaasst d‘Chimie ee risege Beräich an
iwwerschneit sech oft mat anere Wëssenschaften, wéi der
Physik, der Mathematik oder der Biologie. Sou wonnert et net,
dass de Chemiker an deene verschiddenste Beräicher schaffe
kann, sou zum Beispill an der Erdueleg-Industrie (Entwécklung
vun neie performanten Obtrennungsprozesser), an der Pharma-
Industrie (Entwécklung vun neie Medikamenter) oder an der
Elektro-Industrie (Hirstellung vun z.Bsp. neie stroumleedende
Materialien oder Batterien). Chemiker ginn zum gréissten Deel
agesat fir nei Substanzen oder Materialien ze entwéckelen.
Normalerweis bleift een no Ofschloss vu sengem Studium nach
puer Joer ob der Uni fir säin Dokter ze maachen. Während dëser
Zäit spezialiséiert een sech an engem ganz bestëmmte Beräich
a bedreift Grondlagefuerschung. Des Weidere besteet natierlech
nom Studium och d‘Méiglechkeet Proff ze ginn oder eng aner
Platz beim Staat ze sichen.
Am Ufank vun hirem Beruffsliewe gëtt ee studéierte Chemiker
meeschtens an der Fuerschung agesat. No enger bestëmmter
Zäit ginn seng Kompetenzen ausgebaut an am beschte Fall kritt
een säin eegene Fuerschungsprojet an de Schwéierpunkt vun
der Aarbecht gëtt vum Schaffen am Labo virun de Computer an
a Konferenzzëmmere verlagert. Dëst gëllt, wann een sech fir eng
Carrière an der Industrie entscheet. Mee et kann een och als
Beroder, Gutachter oder an engem verstaatlechte Labo (z.Bsp.
Waasserkontroll) schaffen. An alle Fäll ass et onerlässlech sech
och am Beruffsliewen um neiste Stand vun der Technik ze halen.
Chemiker
Wat muss ech studéiere fir Chemiker ze ginn?
Am Ufank vum Studium stinn nieft verschiddene Chimiesfächer
(z.B anorganesch, organesch a physikalesch Chimie) och
Grondlagekuren aus der Physik an der Mathematik um Pro-
gramm. Dëst Konzept entsprécht deem vu villen Ingenieursfä-
cher, mee bei der Chimie kommen (ofhängeg vun der Uni) eng
ganz Partie praktesch Kuren am Labo dobäi. Am weidere Verlaf
vum Studium kann een sech fir verschidde Schwéierpunkter
entscheeden. Wann d‘Schaffen am Labo engem Spaass mécht,
dann ass zum Beispill organesch Chimie oder d‘Polymerchimie
eng Alternativ. Ass ee staark an der Mathé an d‘kachen am Labo
ass net sou säin Déng, da kann een an der physikalescher oder
theoretescher Chimie seng Verdéiwung maachen. De Chimie-
studium bitt engem motivéierten a méiglechst och kreative
Student eng villverspriechend Méiglechkeet ee Beruff mat
Zukunft ze fannen.
Wat mécht en Elektroingenieur?
Ganz kuerz an allgemeng ausgedréckt, befaasst sech den
Elektroingenieur mat der Hirstellung, der Verdeelung an der
Notzung vun elektrescher Energie. D’Gebitt vun der Notzung
vun elektrescher Energie stellt dee mat Ofstand gréissten a
villfältegste Beräich vun der Elektrotechnik duer woubäi hei
och d’Informatiounstechnologie duerch den Asaz vun der
Digitaltechnik eng ëmmer méi grouss Roll spillt. Esou fënnt
een d’Resultat vum Elektroingenieur senger Aarbecht haut
an ëmmer méi Beräicher vum alldeegleche Liewen erëm:
Den Handy a seng Vernetzung souwéi den Internet, déi komplex
Bordelektronik a modernen Autoen, d’Satellitentélévisioun oder
déi onzähleg Steiergeräter an den Haushaltsgeräter siefen hei
nëmmen als Beispiller genannt. Nieft deem Alldeegleche spillt
d’Elektro- an Informatiounstechnik awer och bei industrielle
Produktiounsanlagen, der Medizintechnik oder der Loft- a
Raumfahrt eng ganz wichteg Roll.
Virum Hannergrond vun den erneierbaren Energien, den
intelligente Stroumnetzer oder beispillsweis dem accident-
fräien Elektroauto léisst sech déi an Zukunft ëmmer méi
bedeitend Roll vun der Elektro- an Informatiounstechnik
erkennen. Déi zukünfteg Aufgab vum Elektroingenieur ass et
also ëmmer méi intelligent an autonom, méi staark vernetzt a
komplex Systemer ze plangen, entwéckelen an/oder an
d’Realitéit ëmzesetzen. Entspriechend deem breed gefächerten
Uwendungsberäich vun der Elektro- an Informatiounstechnik
kann och dem Elektroingenieur säin Asazberäich ganz ënner-
schiddlech sinn, woubäi hie bei der Aarbecht ëmmer am Team
mat Maschinnebauingenieuren, Informatiker, Naturwëssen-
schaftler oder och Economiste schafft.
Elektroingenieur
ElektroingenieurWat muss ech studéiere fir Elektroingenieur ze ginn?
Am Ufank vum Studium gi virun allem d’Tools fir d’Verständnis
vun der Theorie aus de spéidere Virliesunge geliwwert, dat
heescht et steet relativ vill Mathé an och Physik um Programm.
Donieft kommen awer och d’Grondlage vun der Elektrotechnik,
zum Beispill d’Berechnung vun einfache Schaltungen oder
d’Fonctioun vun deenen eenzelne Baudeeler, souwéi vun der
Informatiounstechnik, zum Beispill Logikschaltungen oder och
Programmatioun, net ze kuerz. Dorop opbauend ginn an de
spéidere Virliesunge mat zum Beispill der Héichfrequenztechnik,
der Regelungstechnik oder der Norichtentechnik déi méi
theoretesch Grondlagen zu deenen eenzelne Beräicher vun der
Elektro- an Informatiounstechnik vermëttelt.
Opgrond vun der Komplexitéit vun deenen eenzelne Beräicher
entscheed ee sech fir eng Spezialisatioun an där et dann zum
Schluss vum Studium ëmmer méi staark a Richtung Praxis an
domat tatsächlech Applikatioun geet.
Als méiglech Spezialisatioune siefen hei als Beispill Energietech-
nik, Automatiséierungstechnik, Robotik, Noorichtentechnik,
Mikroelektronik, Optoelektronik, Medezintechnik oder elekt-
resch Maschinne genannt.
ËmweltingenieurWat mécht een Ëmweltingenieur?
An der heiteger Zäit gëtt et kaum eng ingenieurtechnesch
Aufgab déi, ouni méiglech Konsequenze fir eis Ëmwelt ze
analyséieren, geléist gi kann. Technologien, Produiten oder
Gebaier sollen net nëmme wirtschaftlech effizient sinn, mä och
méiglechst ëmweltfrëndlech. Dozou kommen natierlech och
nach Aufgaben, di sech direkt ëm den Ëmweltschutz dréien, wéi
zum Beispill Gewässerschutz oder Naturschutz.
Bei esou Aufgaben ass den Ëmweltingenieur gefrot. Hien ass op
der Schnëttstell tëscht Ëmweltschutz an Technik ze fannen.
Duerch säi breed Wëssen am Beräich vun der Technik an am
Ëmweltschutz kann hien als Ingenieur de Problem ugoen an
awer gläichzäiteg méiglech Konsequenze fir d‘Ëmwelt bewäer-
ten. Doduerch dass d‘Thema Ëmwelt duerch Begrëffer wéi
Klimawandel an Nohaltegkeet ëmmer méi relevant gëtt, sinn
d‘Aussiichten als Ëmweltingenieur eng Platz ze fanne méi wéi
gutt.
Den Ëmweltingenieur kann op villen Aarbechtsplazen agesat
ginn. Natierlech kann hie bei enger Administratioun schaffen,
mä och an engem Bureau d‘Etudes oder enger Consultinggesell-
schaft sinn Ëmweltingenieuren ze fannen. Plaze fir Ëmweltinge-
nieure ginn et awer och bei Firmen, déi Produiten hierstellen
oder Procédéen entwéckelen. Och hei si Schied fir d‘Ëmwelt ze
evitéieren, ob dat elo mam Gesetz zesummenhänkt, oder
einfach zur Qualitéitsphilosophie vun der Firma gehéiert.
Den Ëmweltingenieur ass also éischter breed opgestallt an e
kann sech, jee no Spezialisatioun, mat deene verschiddensten
Aufgabe beschäftegen. Hee kann am Beräich (Of-) Waasser täteg
sinn, sech mat der Remédiatioun vu contaminéierte Site
beschäftegen, am Ausbau vun alternativen Energien täteg sinn,
oder awer och am Beräich Loft- a Buedemschutz. Weider
Beispiller sinn nohaltegt Bauen, Offallopbereedung oder etwa
Ëmweltverfahrenstechnik.
ËmweltingenieurWat muss ech studéiere fir Ëmweltingenieur ze ginn?
Am Fong geholl kënnt an deene meeschte Studiegäng d‘Thema
Ëmwelt an iergend enger Form um Stonneplang vir, mä och de
Studiegang Ëmweltingenieur/Ëmweltschutztechnik ass ëmmer
méi wäit verbreet. An dësem Studiegang léiert een am Ufank
d‘naturwëssenschaftlech an technesch Grondlagen déi fir den
Ëmweltingenieur wichteg sinn. Jee no Uni kann een da verschid-
de Verdéiwungen auswielen, beispillsweis Waasser, Energie,
Buedemschutz etc. Esou eng éischt Verdéiwung fënnt normaler-
weis schonn um Enn vum Bachelorstudium statt. An engem
nogeschaltene Masterstudium kann een sech dann nach eng
Kéier méi déif spezialiséieren.
E gewëssent Interessi un Technik an Naturwëssenschaft ass wéi
fir all Ingenieursstudium eng gutt Viraussetzung. Wat beim
Ëmweltingenieur nach dobäi kënnt, ass de Fait, dass hei och
sozial a politesch Kenntnisser am Studium geléiert ginn.
Ëmweltschutz besteet nämlech net just aus Technik mä et
mussen och ëmmer déi juristesch, politesch a gesellschaftlech
Aspekter berücksichtegt ginn.
Den Ëmweltingenieur ass also keen deen alleng schafft, well
hien sech jee no Aufgab mat aneren Ingenieuren, Naturwëssen-
schaftler oder awer och mat Sozialwëssenschaftler an Economis-
ten zesummesetzt, fir seng Aufgab ze léisen.
GeometerWat mécht ee Geometer?
„E Geometer dat ass jo deen dee mat sengem Stativ nieft der
Strooss steet fir ze moossen?“ Dës wäitleefeg Meenung ass just
deelweis richteg. Meeschtens ass et de Vermiessungstechniker
deen dëst mécht, während de Geometer (als Vermiessungsinge-
nieur, international och als Surveyor bezeechent) sech mat der
Planung, Koordinatioun an Auswäertung ofgëtt. Dëst zum
Beispill wann et drëms geet, fir e Bauprojet den Terrain topogra-
phesch ze vermoossen, d‘Mauere fir d‘Konstruktioun vun engem
Gebai ofzestiechen oder d‘Bauwierk selwer ze kontrolléieren.
Während bei dësen Aufgabe mat engem Tachymeter Wénkelen
a Strecke gemooss ginn, kommen nach weider Instrumenter
öfters zum Asaz, sou wéi Laserscanner, Nivelléier oder Satelliten-
navigatiounssystemer. Prinzipiell kann de Geometer mat all
Sensor deen eppes moosst ze dinn hunn an dat a ville verschid-
dene Beräicher. Zil ass et generell Geoobjekter geometresch a
punkto Lag, Orientéierung, Gréisst a Form mat enger definéier-
ter Qualitéit ze bestëmmen.
Ee Groussdeel vun den Informatiounen an eiser Welt hunn a méi
oder wéineger direkter Form e raimleche Bezuch. Fir dës
duerzestelle kënnen als Basis Geoinformatiounssystemer
déngen, bei deenen de Geometer un der Installatioun a Fortféie-
rung bedeelegt ass. Weiderhi kann hie méiglech integréiert
Loftbiller oder 3D-Modeller verwalten an och erstellen oder
Webapplikatioune betreien. Beim Urbanismus kann en ënnert
anerem bei Flächennotzungspläng, Bebauungspläng a Landma-
nagement bedeelegt sinn. Mat enger Zousazformatioun dierf en
als „Géomètre officiel“ och Kadastervermiessunge wéi Propriété-
itsgrenzen, Terrainandeelungen an Expertisen dozou man.
Zu Lëtzebuerg schafft de Geometer zum Beispill bei der
Administration du Cadastre et de la Topographie, der Verwal-
tung vu grousse Gemengen a Syndikater, Entreprisen an der
Verkéiersinfrastruktur (Strooss an Zuch), an engem Ingenieurs-
büro oder als Indépendant.
Wat muss ech studéiere fir Geometer ze ginn?
An Däitschland heescht de Studium Geodäsie und Geoinforma-
tion, anerwäerteg gëtt en och als Geomatik bezeechent. De
Studium ass immens universell a breetgefächert opgestallt a bitt
international beispillsweis och d‘Méiglechkeet bei Hiersteller vu
Moossinstrumenter an Navigatiounssystemer oder Weltraumfir-
men ze schaffen. Deemno heescht ee Slogan och „vum Gronds-
téck bis zum Mars“. Nieft de Grondlagen an der Mathé, Info a
Physik kënnen ofhängeg vun der Uni Fächer wéi Vermessungs-
kunde, Geoinformatik, Städtebau und Landschaftsplanung,
Bodenordnung und Flurbereinigung, Photogrammetrie,
Fernerkundung, Computergraphik, Bildverarbeitung, Kartogra-
phie, Satellitengeodäsie, Erdmessung, astronomische Geodäsie,
Sensorik und Methodik, Kinematik, satellitengesteuerte
Positionierung, Geolokalisation und Fahrzeugnavigation,
Statistik, Ausgleichungsrechnung, Verwaltungsrecht, BWL,
Ingenieurbaukunde, Geologie, Grundstückswertermittlung,
Immobilienmanagement asw. um Programm stoen.
Wat mécht en Informatiker?
“An der Informatik geet et genau sou wéineg ëm Computer wéi
an der Astronomie ëm Teleskopen”, Edsger Dijkstra (Turing
Award Präistreger 1972). Een Informatiker ass nämlech kee
renge Programméirer, a benotzt ee Computer just fir seng Ideeën
ëmzesetzen.
An de leschten 20 Joer gouf d’Liewen nohalteg vun der
Informatik verännert. Duerch den Internet komme mer schnell
un all Informatiounen déi mer wëllen, a kënnen einfach mat Leit
op der ganzer Welt kommunizéieren, duerch Navigatiouns-
apparater gi mer schnell a sécher un eist gewënschten Ziel
navigéiert an et ginn och schon Autoen déi eng Geforesituatioun
erkennen an automatesch eng Vollbremsung ausléisen.
D’Ziel vun engem Informatiker ass et, Méiglechkeeten déi
duerch Computeren entstinn ze entwéckelen an se dann sou
ëmzesetzen dat ze vun jidderengem einfach a sécher kënne
benotzt ginn.
Een Informatiker schafft oft fir ee bestëmmte Client. De Client
huet da méi oder manner konkret Virstellunge wat e wëll. Eng
Bank wëll z.B. ee sécheren Online Banking. Lo muss sech een
Informatiker iwwerleeë wéi en ee sécheren, mä trotzdem vun
engem normale Bankclient novollzéibaren Oflaf ausgesäit.
Dozou gehéieren natierlech och Algorithmen, also mathema-
tesch Berechnungen, déi den Oflaf da sécherstellen. Seng Ideeë
schreift en dann op a programméiert villäicht nach een éischte
Prototyp fir seng Ideeën ze visualiséieren a präsentéiert déi der
Bank. Déi richteg Programmaarbecht gëtt herno awer meeschtens
vu Programméirer ëmgesat a just nach vum Informatiker betreit.
Informatiker
Wat muss ech studéiere fir Informatiker ze ginn?
De Studium heescht Informatik. Am Ufank studéiert een
d’Grondlage vun der Informatik. Dat ass virun allem
d’Mathematik, d’theoretesch a praktesch Informatik. Nodeems
een dann d’Grondlage beherrscht kann een sech op engem
Gebitt spezialiséieren. Doniewent ass et üblech, datt een en
Nierwefach huet, well een herno oft mat Clienten aus anere
Beräicher ze dinn huet an hier Problemer méi einfach verstoe
soll. Dat kann z.B. Medezin, Economie oder Maschinnebau sinn.
Well et vill verschidde Richtungen an der Informatik ginn, muss
een sech während sengem Studium spezialiséieren, ouni déi
aner Richtunge vollkommen ze vernoléissegen. E puer Richtun-
ge sinn z.B.: Theoretesch Informatik (Algorithmusverbesserun-
gen oder Beweise wat ee Computer berechne kann, a wat net),
Biller- a Sprochenerkennung, Netzwierker (wei verbënnt ee
Computer am effektivste mateneen) oder agebett Systemer (dat
sinn Computeren an Handyen, Autoen, Fligeren asw.). Dëst sinn
awer nëmmen en puer Nennungen, et gëtt der nach vill méi, déi
awer lo net all hei kënnen ernimmt ginn.
Wat mécht e Maschinnebauingenieur?
Wéi den Numm et scho seet beschäftegt sech de Maschinne-
bauingenieur mat Maschinnen.
Hautdesdaags kann een sech dat modernt Liewen ouni
Maschinnen net méi virzestellen. Dobäi ass de Begrëff vun
enger Maschinn ganz vague. Meeschtens ass eng Maschinn en
technescht Konstrukt dat dem Mënsch eng Aufgab vereinfacht
oder se him ganz ofhëlt. (D’Elektresch, ouni dat mir net méi
kéinte liewen, gëtt vu Maschinne produzéiert déi Maschinne-
bauer entwéckelen. Genausou den Auto deen et eis erliichtert fir
vun enger Plaz op déi aner ze kommen.)
Vill Maschinnen déi vum Maschinnebauingenieur gebaut ginn,
gesäit een net direkt, mee sou zimlech all Produit, vun engem
Handy bis zu der Karosserie vun engem Auto, ginn zum
gréissten Deel op Maschinnen automatesch produzéiert (sou
Maschinnen nennt een allgemeng Fertegungsmaschinnen oder
Produktiounsmaschinnen).
De Maschinnebauingenieur entwéckelt sou Maschinne wann en
dozou vun engem Client den Optrag kritt. Dobäi kritt en vum
Client Fuerderunge gestallt, déi d’Maschinn dono muss erfëllen.
Den Ingenieur muss dann, zesumme mat engem Team aus
verschiddene Beräicher vu senger Firma, sech en Konzept
iwwerleeën dat déi Fuerderungen erfëllt. Dëst Konzept muss
dann an all sengen Eenzeldeeler geplangt ginn. Vun der
klengster Schrauf iwwer d’Auswiele vum richtege Material bis
zur Verkleedung déi dono alles verstoppt an der Maschinn en
uspriechenden Design gëtt. Dono gëtt déi Maschinn da gebaut
an et gëtt getest op se och sou funktionéiert wei se soll an dono
dem Client verkaf. Oft ass et net néideg en komplett neit
Konzept ze entwéckelen, dofir kann den Ingenieur mat sengem
Team ee méi aalt Konzept ëmbauen oder puer Konzepter
matenee kombinéieren. D’Entscheedung ob en Konzept ganz
nei soll entwéckelt ginn, gëtt oft iwwer de Präis entscheet.
Maschinnebauingenieur
MaschinnebauingenieurWat muss ech studéiere fir Maschinnebauingenieur ze ginn?
De Studium heescht ganz einfach Maschinnebau. Am Ufank
studéiert een d’Grondlage vum Maschinnebau. Dat ass
d’Mathematik an d’Physik an do haaptsächlech Mechanik.
Nodeems een dann d’Grondlage beherrscht kann ee méi
spezifesch op Maschinnen agoen.
Well d’Aart vun de Maschinnen sou ënnerschiddlech ass, an een
als Student jo net alles léiere kann, muss een sech während
sengem Studium op eng Richtung spezialiséieren. E puer
Richtungen am Maschinnebau sinn z.B.: Produktiounstechnik
(Maschinnen déi automtiséiert produzéieren), Verfahrenstechnik
(d’Ëmwandlung vu Materialien), Verkéierstechnik (alles wat mat
der Fortbewegung ze dinn huet), Energietechnik (Produktioun
an d‘Weiderleede vun Energie) a Medezintechnik. Dëst sinn
awer nëmmen en puer Nennungen, et gëtt der nach vill méi,
mee déi sinn zu engem gewëssen Deel dëse grousse Richtungen
ënnergeuerdent.
Wat mécht e Mathematiker?
Iwwert de Fuerscher an de Prof (z.Bsp. am Lycée) eraus ginn et
nach eng ganz Rei weider Beräicher an deene Mathematiker
gebraucht ginn. Dobäi gëtt et awer wéineg “typesch” Beruffer fir
Mathematiker. Dat wat se awer all en commun hunn ass datt ee
Problem muss geléist ginn. De Problem gëtt versicht ze
quantifizéiren an da mat Methoden déi een am Studium (an
dono op der Aarbecht) geléiert huet ze léisen. Schlussendlech
sollt dës Léisung dann sou gutt ewéi méiglech an d’Praxis ëmge-
sat ginn.
Dës Problemer kënne genee esou villfälteg sinn ewéi d’Beruffer
déi d’Mathematiker maache kënnen. Beispiller sinn:
Verkéiersplangung: Wéi solle Stroossennetzer gebaut ginn a
Luuchte geschalt ginn esou datt d’Leit mam Auto esou man wéi
méiglech am Stau stinn an esou séier wéi méiglech vun A op B
kommen? Ähnlech Froe stellen sech bei Bus-, Zuch- an Trams-
netzer, souwéi hiren Horairen.
Logistikofleef vu grousse Firmen: Wou solle Lagerhale gebaut
ginn? Wéi grouss soll eng Lagerhal sinn? Wéivill Material soll do
dra stockéiert ginn? Vu wou sollen déi Materialer geliwwert gi fir
datt d’Käschte fir d’Firma esou kleng ewéi méiglech sinn?
Versécherung: Wéi deier mussen d’Prime fir déi nei Auto-,
Haushalts- a Liewensversécherunge sinn a Fonctioun vun den
aktuelleste Statistiken iwwert Accidenter, Liewenserwardung
asw.?
Finanzsektor: Wéi deier sollen nei Finanzprodukter verkaf ginn
(Derivater, Optiounen, a.s.w.)? Wéi soll een d‘Ofhängeg-keeten
tëschent Banken a Länner modelléiere fir de Risiko vun der
eegener Bank ze erfaassen? Wéi kann eng weider Finanzcrise
evitéiert ginn a wat musse Banken dofir maachen?
Mathematiker
MathematikerWat muss ech studéire fir Mathematiker ze ginn?
De Studium heescht Mathematik. Bal iwwerall bestinn déi éischt
2 Joer nëmmen aus obligatoresche Fächer (Analysis, Linear
Algebra, Algebra, Topology, Numerics, Informatics) fir
d’Grondlagen ze léieren op deenen all weider Fächer opbauen.
Dono kann een (oft schons méi fréi wéi an anere Studiengäng)
sech spezialiséieren a méi spezifesch Virliesungen huele wéi z.
Bsp. Stochastics (Modeléiere vun zoufällege Prozesser, wéi e
Cours vun der Bourse), Extreme Value Theory (Typesch Fro: Wéi
héich muss den Damm sinn datt et just eng Kéier all 1000 Joer
eng Iwwerschwemmung gëtt), Optimization (z.B. Logistikprob-
lemer), Quantitative Risk Management (Problemer ronderëm
d’Finanzwelt ginn hei modelléiert …
Fir Mathe ze studéiere sollt een einfach genuch Virwëtz
matbréngen, Problemer (virun allem quantitativer Art) op de
Fong wëllen ze goen, Freed hu fir Modeller vu verschiddene
Prozesser ze ëntwécklen a prézis ze schaffen. Dobäi huet de
Mathéstudium ganz wéineg mat de Mathéscoursen aus dem
Lycée ze dinn an et gesäit een déi vill Méiglechkeeten déi de
Studium bréngt oft eréicht während dem Studium.
PhysikerWat mécht ee Physiker?
Physiker sinn hautdesdaags an deene verschiddenste Beräicher
erëmzefannen, sief et an der Industrie, Recherche, Fonction
Publique oder als Proff an der Schoul oder un der Uni. Gréissten-
deels schafft ee Physiker dobäi un techneschen oder wëssen-
schaftleche Frostellungen déi en unhand vu Methoden aus der
experimenteller oder theoretescher Physik léist. Dobäi zeechent
sech ee Physiker duerch ee logescht a problemorientéiert
Denken aus, wat him erméiglecht Problemer séier an efficace ze
léisen. Aus deem Grond schaffen och vill Physiker a wirtschaftle-
chen Domainer wei z.Bsp. Banken, Versécherungen oder
Consultinggesellschaften, wou se ënnert anerem Risikoofschät-
zungen unhand vu komplexe mathematesche Modeller
opstellen.
Ee groussen Deel vun de Physiker fënnt een nom Studium och
direkt an der Recherche erëm. A physikspezifesche Beräicher wéi
Nuklearphysik, Astrophysik oder Festkierperphysik gi virun allem
Grondlagen erfuerscht, woubäi ee Physiker an der Bio- oder
Medezintechnik éischter méi uwendungsbezunn schafft.
Insgesamt ass et schwéier een allgemengt Bild iwwer ee
Physiker ze zeechnen, well en a bal alle Sparten erëmzefannen
ass. Dobäi gesäit säin Alldag awer esou aus, dass e Léisungen zu
de verschiddenste Problemer muss fannen, an dëst mat deenen
aus dem Studium geléierte Methoden. Ee grousse Virdeel vum
Physiker ass deemno dass him no sengem Studium villes
opsteet an en domat exzellent Perspektiven am Beruffsliewen
huet.
PhysikerWat muss ech studéiere fir Physiker ze ginn?
De Bachelorstudiengang steet am Ufank am Zeeche vun der
Basisausbildung. Hei ginn déi mathematesch a statistesch
Methode geléiert, op déi een herno am Master an am Beruff
zeréckgräift. Do dernieft gi Grondlage vun der Physik geléiert,
wei z.Bsp. klassesch Mechanik, Optik, Elektrodynamik, Quante-
mechanik, etc, déi ee gutt Stéck iwwert dat erausgi wat een am
Lycée gesinn huet. Begleet gëtt dat ganzt nach vu praktesche
Versich déi engem erlaben, op eegestännegem Wee physika-
lesch Experimenter duerchzeféieren.
Duerno am Master gëtt dann eng bestëmmt Richtung, déi ee
selwer bestëmme kann, verdéift. Hei ginn et dann déi verschid-
denste Beräicher, wéi ënner anerem Elementardeelchenphysik,
Atomphysik, Astrophysik, Festkierperphysik, awer och aner
Sparte wéi Biophysik, Geophysik, Medezinphysik, etc, an deenen
een sech spezialiséiere kann. Dernieft muss een dann och eng
Entscheedung huelen ob een dat ganzt léiwer op engem
experimentellen oder theoretesche Wee mécht an domat zum
Schluss een experimentellen oder theoretesche Physiker gëtt.
Well net all Uni jiddwer Beräich ubitt, ass et vu Virdeel sech
virdrun doriwwer ze informéieren. Soss kéint et virkommen,
dass een nom Bachelor d‘Uni muss wiesselen, wat awer net
ëmmer vun Nodeel ass.
Wat mécht e Verfahrenstechniker?
Ee Verfahrenstechniker këmmert sech ëm Virgäng, bei deenen
aus verschiddene Materialien/Stoffer Produkter mat neien
Eegenschaften entstinn. Dës Virgäng (och Prozesser genannt)
kënne chemescher, physikalescher oder och biologescher Natur
sinn. D‘Aufgabefeld ass bei wäitem net nëmmen op d´chemesch
Industrie (dee vläit bekanntesten Aufgabeberäich) beschränkt.
Verfahrenstechniker ginn op ville verschiddene Plaze gebraucht:
Kläranlagen, pharmazeutesch Industrie oder Anlagenbau sinn
hei nëmmen e puer Beispiller.
Wéi Ufanks gesot, këmmert ee Verfahrenstechniker sech
haaptsächlech ëm Prozesser. Den Alldag hänkt dobäi staark vun
der Plaz of, wou hie schafft. An der Produktioun ass hie virun
allem fir sougenannten „Troubleshooting“ zoustänneg, d.h. fir
Léisunge fir Problemer ze fannen. Dëst ass oft Teamaarbecht,
mee oft muss hien och alleng schaffen. Weiderhinn schafft hien
u Verbesserunge vun der aktueller Anlag, fir z.B. d‘Produktivitéit
oder d‘Sécherheet ze verbesseren. Hei schafft en éischter am
Beräich vun der Verfahrenstechnik. Wann den Ingenieur an der
Entwecklung (R&D) schafft, dann ass seng Tätegkeet méi no un
der Chimie, also der Wëssenschaft.
Verfahrenstechniker
VerfahrenstechnikerWat muss ech studéiere fir Verfahrenstechniker ze ginn?
Am Grondstudium sinn dat allgemeng Mathé, Physik, Chimie,
Mechanik, Werkstoffkunde, Informatik, Thermodynamik, fir mol
e puer Saachen ze nennen. Kuerz gesot alles wat zou de
Grondlage vunn engem Ingenieur gehéiert.
Verdéiwungen sinn zum Beispill Anlagenbau (Ausleeë vun
Apparater a Maschinnen), Lebensmittelverfahrenstechnik
(verschiddene Verfahren déi an der Hirstellung vu Liewensmëttel
gebraucht ginn), Thermische Verfahrenstechnik (Destillatioun,
Wärmeübertragung) oder Chemische Verfahrenstechnik
(Reaktionstechnik, Kinetik, ...).
WirtschaftsingenieurWat mécht ee Wirtschaftsingenieur?
Dir kritt an dëser Brochure vill Beruffer a Studien aus den
technesch-wëssenschaftleche Beräicher virgestallt. Fir vill vun
deenen Optioune bitt sech awer nach eng weider attraktiv
Alternativ un, ouni den techneschen Aspekt ewechzeloossen:
de Studium vum Wirtschaftsingenieurwiesen.
D‘Grondkonstruktioun vun deem Studium ass generell eng
50-50 Opdeelung vun techneschen a wirtschaftleche Virlie-
sungen. Den technesche Beräich hänkt vun ärem Choix of, et
bitt sech zum Beispill de Maschinnebau, d‘Elektrotechnik oder
d‘Informatik un, mä och Kombinatioune mat Chimie oder
Verfahrenstechnik si méiglech.
Den ökonomeschen Deel besteet op där anerer Säit meesch-
tens aus de gläiche Fächer, aus der Betriebswirtschaftslehre
(BWL) Produktiounswirtschaft, Personalmanagement a
Rechnungswiesen an aus der Volkswirtschaftslehre (VWL),
Mikro-, Makroökonomie a Finanzpolitik. Dobäi gëtt op villen
Unien nach eng Basis an Droit ënnerriicht, meeschtens Deeler
déi fir d‘Geschäftsliewe relevant sinn, wéi z.Bsp. Patentrecht
oder Gesellschaftsrecht.
D‘Attraktivitéit vun dësem Studiegang äussert sech deels am
Studium, well et engem wéinst der Diversitéit vun de Virlie-
sungen net sou schnell langweileg gëtt, an deels dono an der
Beruffswahl. E Wirtschaftsingenieur bréngt nämlech vill
Virdeeler fir d‘Entreprise mat, andeems en zB e Projet souwuel
vum technesche wéi och vum kommerziellen Aspekt hier
versteet an sou keng weider Persoun gebraucht gëtt, déi fir ee
vun deenen 2 Terrainen „iwwersetze“ misst.
Méiglech Beruffer sinn z.Bsp. an der Produktioun, dem
Controlling, Consulting, Akaf oder der Logistik. Weider Weeër
an Entwécklunge sinn awer ni blockéiert, sou dass een sech
och nach dono iwwerleeë kann, sech op engem Gebitt ze
spezialiséieren an sou z.Bsp. méi no un dat technescht oder
Wirtschaftsingenieurdat ökonomescht ze réckelen. Nieft der praktescher Uwen-
dung vun ärem Wësse bitt sech awer och den akademesche
Wee un, Doktorat a Fuerschung vun engem Deel vun de
Wirtschaftswëssenschaften ass e Beispill dovunner.
Alles an allem kann ee soen, dass de Wirtschaftsingenieur eng
Bréck iwwert d‘Schnëttstell vun der Technik an der Ökonomie
bild, 2 Welten déi oft grondverschidde sinn, awer net ouni déi
jeweils aner auskomme kënnen. De Wirtschaftsingenieur ass
an deem Sënn de Manager vum technesche Fortschrëtt.
Wat ass d‘ANEIL?
D‘Association Nationale des Étudiants Ingénieurs Luxembour-
geois, gegrënnt 1958, ass den eenzege Veräin, deen d‘Interesse
vum lëtzebuerger Ingenieursstudent vertrëtt. D‘ANEIL represen-
téiert 200-250 Studenten, déi gréisstendeels Maschinnebau,
Bauingenieur, Chimie, Biologie, Physik, Elektrotechnik, Informa-
tik, Mathematik an Architektur studéieren an dat a ganz Europa,
virun allem an Däitschland an an der Schwäiz awer och an der
Belsch, Frankräich, Éisterräich an England.
Wat hunn ech vun der ANEIL?
Als Schüler vun der 2e/1re oder 12e/13e kriss de vun eis
Informatiounen iwwert den Ingenieursstudium a -beruff. Déi
richteg Informatioun ass nämlech immens wichteg. All Joer
wiesselt ee gudde Strapp Studenten d’Fachrichtung oder hält
ganz op mat studéiere well se réischt ze spéit erkenne wéi ee
Studiegang fir si dee richtegen ass. Do hëllefe mir gäre mat
eisen eegenen Erfahrunge weider, schliisslech geet et net
dorëms ween am längste studéiert. Och wann d’Studieplatz
zweetrangeg ass, gëtt d’ANEIL Tipps fir de Choix vun där
richteger Uni oder Héichschoul ze vereinfachen. Mir organiséie-
ren dofir iwwert d‘Joer verdeelt eng Rei Schoulaktiounen, wou
mir a verschiddene Lycéeën dech als Schüler direkt informéie-
ren, an och op der Foire de l‘Étudiant hu mir eisen traditionelle
grousse Stand. Mir vermëttelen dech och gären un ee vun eise
Memberen, dee grad an dem entspriechende Studium stécht.
Als Ingenieursstudent kanns du un eise Visite bei lëtzebuerge-
sche Firmen deelhuele fir der en éischt Bild vun der Praxis ze
maachen, a fir Studente vun aneren Héichschoulen ze begéinen.
Am Hierscht organiséiere mir all Joer eng Rees vun e puer Deeg
an d‘Ausland, wou mir eise Memberen d‘Méiglechkeet ginn, bei
enger Visite mat souwuel techneschem wéi och kulturellem
Inhalt eng Stad oder Regioun kennenzeléiren. Di läscht Jore
ware mir z.Bsp. zu Barcelona, Dublin, Prag, Hamburg, Mailand,
Ostküst vun den USA an am Ruhrgebiet. Véier mol am Joer kriss
ANEIL
ANEILdu eis Zäitschrëft, de bulli, op deng Lëtzebuerger Adress
geschéckt a mir leeden der all Job- a Stageoffer déi mer vun den
de Firme kréien un deng Email Adress weider. Net ze vergiessen
ass eise Fräibéier wou sech eemol am Joer bis zu 100 Ingenieurs-
studenten treffen a sech amuséieren.
Nom Diplom hues du duerch déng Visite mat der ANEIL een
differenzéiert Bild vun dénge Méiglechkeeten als Ingenieur zu
Lëtzebuerg. Eis Table Ronde op Karfreideg bitt eng gutt
Geleeënheet, an engem ongezwongene Kader mat de Personal-
cheffe vun deene wichtegste lëtzebuerger Entreprisë Kontakt
opzehuelen an eventuell en éischte Rendezvous ze fixéieren.
Weider Informatiounen: www.aneil.lu - contact@aneil.lu
Rédacteurs
Architekt
Bauingenieur
Bioingenieur
Chemiker
Elektroingenieur
Ëmweltingenieur
Geometer
Informatiker
Ingenieur
Maschinnebauingenieur
Mathematiker
Physiker
Verfahrenstechniker
Wirtschaftsingenieur
Micky Dauphin
Luc Frantzen
Laure Cuny
Dan Dax
Marc Weydert
Danièle Mousel
Jean-Marc Schares
Yves Duhr
Paul Dax
Paul Dax
Eric Schaaning
Christian Pauly / Jean Mahowald
Pascal Bormann
Venant Pirrotte
Rédacteurs en Chef 1ere Edition
Aidés par
Layout
Editeur
Max Schmitz
Paul Dax
Pit Demuth
Pit Schmit
Yves Roth
Sophie Margue
Max Schmitz
Association Nationale des
Etudiants Ingénieurs
Luxembourgeois a.s.b.l.
www.aneil.lu
engineer.Let’s
Association Nationale des Etudiants Ingénieurs Luxembourgeoiswww.aneil.lueditioun 2012